Hege Iren Aasdal og Samson Øvstebø har i mange år jobba med fleire typer tradisjonelle korger i prosjekt gjennom Norsk Handverksinstitutt, og Hege har hatt eit treårig stipendiat for Handverksinstituttet der ho fordjupa seg spesielt i korger i splitta materiale.
Me tilbyr kurs i pilfletting for nybyrjarar og øvde innan pilflettingskunsten. Målsettinga med kurset er å lære dei grunnleggande teknikkane innan korgfletting med pil. Pil er eit inspirerande materiale å jobbe med.
På Jæren var det spesielt vanleg å flette sko av planta sjøsiv-aks ( latinsk: schoenoplectus lacustris) og bruke som hussko. Denne tradisjonen vert halde i hevd på Jæren, og her har du høve til å lage dei beste tøflane i naturmateriale! Sivskoa er utruleg varme og gode å bruke som innesko!