Me tilbyr kurs om sylv, filigran -verkstad for vidarekomande. Målsettinga er å gje den einskilde tryggleik til å bli meir sjølvstendig. Gjera ferdig arbeide som har blitt liggjande p.g.a av ulike årsakar, eller at du er usikker på kva som er beste løysing.
Innhald:
Gje ei innføring i enkel graveringsteknikk med spisstikkel og trambulering med flatstikkel. Dele erfaringar og hjelpe kvarandre. Deltakarane arbeider med eigne prosjekt og får rettleiing. Om ein ynskjer ei ny oppgåve melder deltakar frå til Eli, og saman blir deltakarar og lærar einige om t.d. to felles oppgåver ein kan velje mellom(lærar sitt framlegg: rosesylje eller maler). Det vil også vera tilbod om innføring i enkel gravering for dei som ynskjer det. Arbeidsforma er litt felles undervisning og mykje individuell rettleiing.
Lærar: Eli Taugbøl. Epost: eli.gullsmed(a)gmail.com
Målgruppe for kurset:
Dette er eit vidarekomande kurs i filigran. Kurset passar for dei som har eit godt grunnlag og erfaring med sylvarbeid og filigran frå før.
Forkunnskaper:
• Du må ha erfaring med filigran frå før. Filigran er sett saman av mange små detaljar, så det er viktig å sjå godt. Ta gjerne med briller eller lupe ved behov.
Kursmateriell:
Ein spiss og ein flat stikkel. Me tilpassar, monterar og sett opp stikkelen på kurset. Ta med skrivesaker og lighter. Lesematerial: ‘Filigran’ av Marit Andersen.
Me gjer merksam på:
Gjennom Studieforbundet kultur og tradisjon er dette kurset dekt av Kopinoravtalen, som tillet kopiering frå bøker og frå arrangør. Trykksaker til undervisningsføremål. Me reknar med at deltakar fylgjer tryggleiksinstruksar frå kursarrangør og kurslærar. Kursdeltakar er ikkje dekt av forsikring frå arrangør.
Avmeldingsinformasjon for kurs og opphald/matpakker:
Påmelding er bindande. Dersom du ikkje kan delta på kurset du har meldt deg på, er det viktig at du sender skriftleg avmelding til post(alfakrøll)raulandsakademiet.no, så snart du veit du ikkje kan delta.
Du betalar eit depositum à kr. 950.- ved påmelding til kurs. Angrefrist er 14 dagar med refusjon av depositumet. Etter dette vil ikkje depositumet bli attendebetalt ved avbestilling.
Avmelding til kurset 30 dagar eller mindre, før kursstart, må heile kursavgifta, og bestilt opphald med fullpensjon eller matpakker bli betalt. Det gjeld uansett grunn, også sjukdom.
Dersom Raulandsakademiet må avlyse eit kurs er ikkje dette gjeldande.
Generell informasjon:
Det er ikkje tillate med hund i kursvekene.
Eigne prisar for overnatting og matpakker når det er kurs.
Påmelding før 1.mars til sommarkurs gjev 10 % rabatt.
Påmelding før 1.juni til haustkurs gjev 10 % rabatt.