Me tilbyr kurs i skinnfell, tradisjonell saum og trykking. Lag ein flott saueskinnfell med trykk til seng eller stol. Målsettinga er at når kurset er over skal deltakerne kunne skjere til, og håndsy ein skinnfell etter tradisjonell metode.
Dette lærer du:
• Deltakarane skal kunne velge materiale og arbeidsredskapar som egner seg til skinnfellsaum
• Deltakarane skal ha fått kjennskap til tradisjonell bruk av farge, komposisjon og ornament i dekortrykk av skinnfeller.
• Kursdeltakarane skal ha kjennskap til ulike alternative trykkfargar og korleis trykkblokkane blir laga.
• Deltakarane skal kunne vurdere ulike prinsipp for trykking og ornamentbruk
• Deltakarane skal ha praktiske ferdighetar i å trykke på skinn
Kursinnhold:
1) Introduksjon (3 timer):
Kurset startar med en bildepresentasjon som viser skinnfelltradisjonen, bruk tidligare og nå, arbeidsgangen, samt litt om ornamentikk, trykking og trykkfarge. Deltakarane får sjå ulike skinnfeller og ulike typer skinn som kan bli bruka. Arbeidsredskap og materiale blir vist.
2.) Tilskjering og saum (30 timer):
Hovedpunkta i arbeidsgangen fram til ferdig skinnfell blir gjennomgått. Skinna og utnyttinga av disse blir vurdert. Det einsklde skinnet og fellens storleik vert bestemt. Skinna vert skorne til. Val av tråd og nåler, og grunngjeving for dette blir gjennomgått. Ulike metodar for svangeskøyting, anna innskøyting og innsnitt blir gjennomgått.
Sting og saummetode blir gjennomgått. Band til skøytane blir klypt/skore til og blir sauma på. Sting og arbeidsmåte blir demonstrert. Kanting av fellen etter alternative metodar visas og materiale til dette vurdert. Materiale til brudekant eller kvardagskant bli klypt, skøytas og blir sauma på fellen. Krus - individuell merking av skinnfellen i øvre kant blir gjennomgått og ideer til den enkeltes utforming av krus blir diskutert. Oppbevaring og reinhald av skinnfell blir gjennomgått.
3) Trykking (7 timer):
Tradisjonell trykking av skinnfellar og ornamentbruk i ulike delar av landet blir gjennomgått. Bilete av trykte fellar blir studert og den einskilde deltakar planlegg trykkinga av sin fell. Praktisk arbeidsmetode vert demonstrert. Den einskilde kursdeltakar trykker sin fell etter eigne ynskjer.
Lærar: Stina Solheim. Epost: oppskjorta(a)gmail.com
Målgruppe for kurset:
Alle som ynskjer kurs om skinnfell, tradisjonell saum og trykking
Forkunnskaper:
• Ingen krav til forkunnskaper
Kursmateriell:
Materialkostnadene er avhengig av kva slag type skinn og kor mange skinn deltakarane ynskjer å bruke. Pris pr skinn varierar frå ca. kr 950,- til kr 2.000,-. Fire skinn er vanleg å bruke.
Materiell elles:
Skjernåler, klyper, lintråd, kostar til sammen ca. kr 300,-. Kurslærar kan skaffe material og har arbeidsverktøy til utlån for dei som ynskjer det. Stina Solheim har halde skinnfellkurs i mange år. Ho er dotter av Britt Solheim, som har halde skinnfellkurs på Raulandsakademiet i ei årrekke, og gjeve ut boka «Skinnfeller du kan lage selv». Stina held kurs over same lest som Britt, etter tradisjonell metode. Kurslærar sender deltakarane utfyllande informasjon om skinn og prisar før kurset. Ho vil ha samtale med deltakarane på førehand når det gjeld skinntype og storleik på fellen.
Vi gjer merksam på:
Gjennom Studieforbundet kultur og tradisjon er dette kurset dekt av Kopinoravtalen, som tillet kopiering frå bøker og trykksaker til undervisningsføremål. Me reknar med at deltakar fylgjer tryggleikssinstruksar frå kursarrangør og kurslærar. Kursdeltakar er ikkje dekt av forsikring frå arrangør.
Avmeldingsingsinformasjon for kurs og opphald/matpakker:
Påmelding er bindande. Dersom du ikkje kan delta på kurset du har meldt deg på, er det viktig at du sender skriftleg avmelding til post(alfakrøll)raulandsakademiet.no, så snart du veit du ikkje kan delta.
Du betalar eit depositum à kr. 950.- ved påmelding til kurs. Angrefrist er 14 dagar med refusjon av depositumet. Etter dette vil ikkje depositumet bli attendebetalt ved avbestilling.
Avmelding til kurset 30 dagar eller mindre, før kursstart, må heile kursavgifta, og bestilt opphald med fullpensjon eller matpakker bli betalt. Det gjeld uansett grunn, også sjukdom.
Dersom Raulandsakademiet må avlyse eit kurs er ikkje dette gjeldande.
Generell informasjon:
Det er ikkje tillate med hund i kursvekene.
Eigne prisar for overnatting og matpakker når det er kurs.
Påmelding før 1.mars til sommarkurs gjev 10 % rabatt.
Påmelding før 1.juni til haustkurs gjev 10 % rabatt.