Me tilbyr songkurs i kveding, tradisjonell song frå Telemark. Kurset blir ei uhøgtideleg samling der me skal skal synge oss gjennom stubbar, viser, stev, ballader og slåttestev. Me skal lære om kveding, om stiltrekk og om nokre av historiane som høyrer til.
Innhald:
Me skal også leike litt med folkemusikalske stiltrekk og tekstar, og lære nokre triks for å synge fritt og sunt på sin eigen måte, med si eiga stemme. Me skal i løpet av kursperioden kvede oss gjennom ulike typer stev, viser og ballader. Me blir kjent med ulike typer stiltrekk og skal lære nokre av dei historiane som knyter seg til songane. Arbeidsforma blir fellesundervisning og individuell rettleiing. Det blir besøk av gjestelærarane Hillborg Romtveit (fredag) og Frode Nyvold (laurdag). Hillborg har vore kvedarlærar gjennom mange år og er ein utruleg dyktig kvedar. Frode Nyvold har drive på med musikk i alle år, gjeve ut fleire plater og jobba her på høgskulen i Telemark (kjent i dag som Universitetet i Sør -aust Noreg).
Fokuset blir på Telemarkstradisjon, som er lært gjennom mellom anna Unni Boksasp, Ragnhild Furholt og Ellen B.Nordstoga. Det er også rom for å ynskje seg songar.
Lærar: Malin Røysland Skårberg
Målgruppe for kurset:
Kurset passar for folk i alle aldrar - enten du har sunge mykje eller er nybyrjar innan songfaget.
Forkunnskaper:
• Du treng ingen forkunnskapar, berre interessa for å lære er til stades.
Kursmateriell:
Deltakarane må ha med noko å notere med og på. Ellers kan det vera greit å ha med enkelt opptaksutstyr, sidan det ikkje vil bli arbeidd så mykje med notar. Dei fleste smarttelefonar har ein innebygd opptaksapp.
Me gjer merksam på:
Gjennom Studieforbundet- kultur og tradisjon er dette kurset dekt av Kopinoravtala, som tillet kopiering frå bøker og trykksaker til undervisningsføremål. Vi reknar med at deltakar følgjer sikkerhetsinstruksar frå kursarrangør og kurslærar. Kursdeltakar er ikkje dekt av forsikring frå arrangør.
Avmeldingsinformasjon:
Påmeldinga er bindande. Dersom du ikkje kan møte på eit kurs du har meldt deg på, er det viktig at du melder frå skriftleg (e-post eller brev) så fort som mogleg.
Ein betalar eit depositum på kr 950 ved påmelding av eit kurs. Innbetalt depositum blir ikkje refundert fram til fire veker (28 dagar) før kursstart. Ved avmelding seinare enn 28 dagar før kursstart må heile kursavgifta betalast. Dette gjeld også om det er sjukdom eller andre årsakar.
Ein kan bytte kurs innanfor sama år, men kan ikkje skuve påmeldinga til neste år.